2. fundur
Íslandsdeildar Vestnorræna ráðsins á 149. löggjafarþingi
haldinn í Austurstræti 8-10, þriðjudaginn 4. desember 2018 kl. 11:25

Mættir:

Guðjón S. Brjánsson (GBr) formaður, kl. 11:25
Ásmundur Friðriksson (ÁsF), kl. 11:25
Bryndís Haraldsdóttir (BHar), kl. 11:25
Lilja Rafney Magnúsdóttir (LRM), kl. 11:25
Þórunn Egilsdóttir (ÞórE), kl. 11:25

Inga Sæland boðaði forföll.

Nefndarritari: Bylgja Árnadóttir

Bókað:

Rætt var um skipulag þemaráðstefnu Vestnorræna ráðsins sem haldin verður á Íslandi í lok janúar 2019. Nefndin ákvað að fela nefndarritara í samráði við Ásmund Friðriksson að leggja lokahönd á dagskrá fundargesta á Reykjanesi. Nefndin samþykkti, að tillögu Bryndísar Haraldsdóttur, að óska eftir því við framkvæmdastjóra Vestnorræna ráðsins að á opinni ráðstefnu í Norræna húsinu yrði aukin áhersla á norðurslóðamál auk þess sem samráð yrði haft við Háskólann á Akureyri og stofnanir Norðurskautsráðs sem staðsettar eru á Akureyri.

Rætt var um möguleikann á að leita til Miðstöðvar íslenskra bókmennta varðandi tilnefningu einstaklinga í dómnefnd Íslands vegna barna- og unglingabókmenntaverðlauna Vestnorræna ráðsins.

Fleira var ekki gert.

Fundi slitið kl. 12:11